Assambleıa usynysy  – halyq qulshynysy

Elimizge taǵy da serpilis kerek

Bıylǵy jyly elimizde kezekten tys prezıdenttik saılaý ótkizý bastamasyn memlekettik saıasattyń damýyna múddeli Qazaq memlekettik qyzdar peda­­gogıkalyq ýnıversıtetiniń ujy­my men stýdentteri biraýyzdan qoldaıdy. Bul der kezinde kó­te­ril­gen ári birtutas Qazaqstan qo­ǵa­myn bir týdyń astyna toptas­tyratyn serpiliske toly oqıǵa. Qazaqstan Respýblıkasynyń Tuńǵysh Prezıdenti Nursultan Ábishuly Nazarbaevty Táýelsiz Qazaqstannan bólip qaraý múmkin emes, ol sanaǵa syımaıdy. О́ıtkeni, Qazaqstan halqy úshin Elbasy myzǵymas senim ári alynbas qamaldardy muqaltar Elbasy. Árbir qazaqstandyq úshin Qazaqstan jáne Nazarbaev – egiz uǵym, solaı qala beredi de! Barshamyzǵa belgili, kezekti prezıdenttik saılaý 2016 jyly ótýi kerek. Buǵan qosa, Parlament depýtattarynyń saılaý naýqany da sol jylǵa josparlanǵan. Saılaý naýqany bir kúnniń sharýasy emes ekeni beseneden belgili. Oǵan úlken daıyndyq júrgizilip, qarjylyq jospar bekitiletini taǵy da bar. Jańarǵan memlekettiń jańa Parlamentin saılaýda oǵan jaǵdaı jasaý úshin aldymen el Prezıdenti saılanýy kerek. Demek, QHA Keńesindegi prezıdenttik saılaýdy merziminen erterek ótkizý usynysy óte oryndy dep esepteımin. Ras, 2011 jyly Prezıdent jáne Parlament saılaýlary qatar ótti. Ol ýaqytta Qazaqstan Par­lament saılaýyn saıası partııa­larǵa daýys berý arqyly júzege asyryp, saıası turǵyda tyń re­forma jasaǵan bolatyn. Oǵan pre­zıdenttik saılaýdyń birge júr­gizilýi serpilis bergeni aqıqat. Bul degenimiz – endi prezı­denttik saılaýdyń parlament­tik naýqannan erte ótýi el máji­lismenderi oryntaǵyna degen saıa­sı partııalardyń básekelestigin arttyrýda olardyń qabilettigin damytady degen sóz. О́ıtkeni, olar alǵashqy reformada «áttegen-aı» degen tustaryn saralap, kelesi saıası dodaǵa tastúıin daıyn júr. Halyqqa saıası naýqannyń taǵy bir beretin jetistigi bar. Ol – prezıdenttik saılaý ke­zinde elge jarııalanatyn úmit­ker­lerdiń baǵdarlamalary daǵ­darys syn-qaterleriniń aldyn alýda Qazaqstannyń ilgerileýin qamta­­masyz etpek. Onda halyq­aralyq qoǵamdastyqty alańdatyp otyrǵan ekonomıkalyq jáne áleýmettik qıyndyqtardan qutylý tetikteri jan-jaqty saralanýy múmkin. Bul – árbir menedjerge taptyrmaı­tyn qundylyq. So­nymen qa­tar, biz prezıdenttik saılaýda beril­gen ýádelerdiń tolyqtaı oryn­da­latynyna óte senimdimiz. Iаǵnı, bul bastama arqyly Elbasy N.Á.Na­zarbaev­tyń «daǵdarystan – damýǵa» atty burynnan kele jat­qan qa­ǵıdaty Qazaqstannyń ja­ńa ba­ǵytta órkendeýine jaǵdaı týǵyzbaq. Sondyqtan, daǵdarys ýaqy­tynda el erteńine senimdi de batyl qadamdar jasaý úshin Memleket basshysyn tańdaıtyn eń basty ári mańyzdy saılaýdy keshiktirmeı merziminen buryn ótkizsek utyl­­­maımyz. Álemdik deńgeıdegi eko­no­mıkalyq sarapshylardyń joba­laýynsha, 2016 jyly álemdik daǵdarys óziniń sharyqtaý shegine – amplıtýdasyna jetedi. Demek, usaq-túıekke ýaqyt jo­ǵaltý, kidirý asa orynsyz. Mu­ny dúnıejúzilik keńistikte «qa­zaqstandyq úlgi» re­tinde ta­nylǵan Assambleıa ókilderi jan-tánderimen sezinip otyr deýge bolady. Osydan kelip týyndaıtyn oı – biz barsha birtutas Qazaqstan hal­qy qoǵam damýy jáne ekono­mıka­lyq daǵdarysqa jol bermeý­de Elbasynyń barlyq nazary men qabiletine múmkindik berýimiz qajet. Bul – óte oryndy ári tıimdi bastama. О́ıtkeni, atalǵan jaǵdaıat aldaǵy qyrýar soqpaqtardyń qa­syn­­da monshaqtaı másele bolyp qa­lady. Osy oraıda, biz bar­ly­ǵyn­ josparly oılastyryp qana qoı­maı, ýaqytty tıimdi paıdala­nyp, bolyp qalýy múmkin qıyn­shy­lyq­tar­dy jeńýge erte bastan qam­dan­ǵanymyz abzal. Ol úshin taǵy da bir saıası turǵydan serpilýimiz kerek. Dınar NО́KETAEVA, Qazaq memlekettik qyzdar pedagogıkalyq ýnıversıtetiniń rektory. ALMATY.

Birligimizdiń baıandy bolýy úshin

Biz, Qazaq jerin kıeli meke­nimizge balaǵan ózge etnostardyń ókilderi Qazaqstandaǵy tatýlyq pen dostyqtyń berik bolýyna, ekonomıkanyń keń qulash jaıa órkendep, elimizdiń qýatty memleketke aınalýyna múddelimiz. О́ıtkeni, álem elderindegi daǵ­darys pen qaqtyǵystardyń tek ekonomıkaǵa ǵana emes, aldymen, adamzatqa tıgizer zardabynyń aýyr bolatynyn kórip otyrmyz. Jahan jurtyn bir jaǵynan qarjy daǵdarysynyń, ekinshi jaǵynan munaı baǵasynyń quldyraýynan jumyssyzdyqtyń sheńgeli qysyp bara jatqan tusta Elbasy Nursultan Nazarbaev daǵdarystyń aldyn alý sharalaryn bastady. Nursultan Ábishulynyń áriden oılaıtyn kóregendigi men sarabdal saıa­satynyń nátıjesinde Qazaq­stan jurty álemdegi qarjy daǵdarysynyń da, munaı baǵasy­nyń quldyraýynyń da salqynyn seze qoıǵan joq. Buǵan deıin de bizdiń elimiz Azııa daǵdarysynyń, álemdik qarjy daǵdarysynyń birneshe kezeńinen aman óttik. Elimizde jumyssyzdyqty tó­mendetý baǵytynda túrli baǵdar­lamalar iske asyrylyp, sonyń nátıjesinde otandastarymyz san alýan kásiporyndarǵa jumysqa ornalasyp jatyr. Árıne, qaı elde de halyqtyń barlyǵy derlik jumyspen túgel qamtylýy múmkin emes. Halyqtyń belgili bir mólsherin jumyssyzdar quraıtyny zańdylyq desek te, Qazaqstandaǵy jumyssyzdyq deńgeıi álemdegi, sonyń ishinde TMD memleketterindegi kór­set­kishterden áldeqaıda tó­men ekendigi daý týdyrmas shyn­dyq. О́ıtkeni, bizdiń eli­mizde «Aldymen – ekonomıka» qaǵı­dasymen otandyq óndi­risterdi kóptep ashyp, jańa ju­mys oryndaryn qurý arqyly ju­myssyzdyqty azaıtýǵa basa mán berilip otyr. Bul – bir. Ekinshiden, bizdiń basty tabysymyz – tatýlyq pen turaqty­lyq. Bul kóptegen elderdiń kúni-túni ańsaıtyn, qansha tyryssa da qol jetkize almaı júrgen máńgi­lik armanyna aınaldy. Al bizde she? Bizde Qudaıǵa shúkir, tatýlyq pen turaqtylyqtyń týy jyǵyl­ǵan, beriktigine syna qaǵyl­ǵan emes. Aldaǵy jyldarda da or­taq Otanymyz – Qazaqstandaǵy birliktiń býyny búgingiden berik bekip, tatýlyǵymyz ben turaqtylyǵymyz máńgilik bolýyna bárimiz de múddelilik ta­nytamyz. Elimizdiń osyndaı bas­ty jetistigine Tuńǵysh Prezıden­ti­miz Nursultan Nazarbaevtyń kópetnosty bir shańyraq­tyń astyna uıystyra, ortaq múd­dege uıystyra bilgen tájirıbeli saıasatkerligi men kóshbasshy­lyq kemeńgerliginiń arqasynda jetip otyrmyz. Búgingi tańda alystaǵy álem elderi de, Azııa men TMD-daǵy ejelden tanys ta beıta­nys, kór­shiles memleketter de Qazaq­stannyń kemel kele­shegine baıandy bastaý bolǵan birligimiz ben bir-biriniń ulttyq qundylyqtaryna qurmet kórsetken tatýlyǵymyzǵa da, ekonomıkalyq órkendeý men tuǵyry tuǵyrly turaqty­ly­ǵymyzǵa tamsanyp ta, árıne, qyzǵanyp ta qaraıdy. Jahan jurtynyń báriniń basyna buıyra qoımaǵan, buıyrǵan kúnde de ustap tura almaǵan birlik pen tatýlyq, órkendeý men turaqtylyq Qazaq eliniń mańdaıyna jazylyp, qoly je­tip tur. Bul – birinshiden, Alla taǵalanyń syıy, ekinshi­den, El­basy Nursultan Nazar­baev­tyń eren eńbeginiń jemisi. Elimiz­diń birligi budan bylaıǵy ýaqyt­ta da baıandy bolýy barshamyz­dyń qo­lymyzda eke­nin umytpaı, pre­zıdenttik saı­laýdy merziminen buryn ótkizý jónin­degi Qazaq­stan halqy Assam­bleıasynyń usynysyn qoldaǵanymyz jón. Prezıdenttik saılaýdy ótkizý bizge – kópetnosty qazaq­stan­dyqtarǵa búgingideı álemdik ekonomıkany dúmpýi qatty daǵdarys jaılaǵan, qaýipti syn-qaterlerdiń týyndaý múmkindigi ulǵaıǵan tusta táýelsiz Qazaqstanymyzdyń birligi men turaqtylyǵyn, bú­tindigi men órkendeý qabiletin arttyrý úshin asa qajet. Aleksandr DÝMLER, «Vıdergebýrd» nemis etnomádenı birlestiginiń jetekshisi, Atyraý oblystyq máslıhatynyń depýtaty. Atyraý oblysy.

Oıymyzdaǵyny dóp basty

Qazaqstan halqy Assambleıasy Keńesiniń bıyl merziminen buryn prezıdenttik saılaý ótkizý týraly bastamasyna Aqjaıyq óńirin mekendegen etnostardyń bir sho­ǵyry – uıǵyrlar da qosylady. XXI ǵasyr aqparattar aǵyny zamany dep beker aıtpaıdy. Elimizdegi BAQ betteri arqyly ózge elderdegi baýyrlarymyzdyń tynys-tirshiliginen habardarmyz. Alaıda, Qazaqstandaǵydaı ár etnosqa salt-dástúrińdi saqta, mádenıetińdi órkendet, kásip­kerlikpen shuǵyldan dep keńshilik jasap otyrǵan ózge memleketti jaryq kúnde shyraq alyp izdeseńiz de tappaısyz. Mysalǵa aıtar bolsam, Oral óńiri aýmaǵynda uıǵyrlardyń otbasy ózge ult ókilderimen birge qoıan-qoltyq eńbek etip júr. Bala­larymyz mektepte, kóshede qazaq jáne orys tilderinde sóı­legenimen, óz ana tilin de umyt­paıdy. Meniń qandastarym ata-babasynyń saltymen ár otbasynda kem degende 4-5 bala bolýyn nazarda ustaıdy. Japyraq jaıyp ósip-órkendeýi­miz­ge ortaq Otanymyz – Qazaq­stan­da barlyq jaǵdaı jasalǵan. Budan jıyrma jyl buryn Prezıdentimizdiń sarabdal saıas­a­tynyń arqasynda beıbitshilik pen kelisimniń, etnosaralyq tolerant­tylyq pen qoǵamdyq úılesimniń qazaqstandyq úlgisiniń eń biregeı jáne aıqyn joly retinde Qazaq­stan halqy Assambleıasy quryldy. Bul qoǵamdyq qurylym búginde eli­mizdiń halqyn bir maqsatqa ­toptastyra alatyn belsendi qoǵamdyq ınstıtýtqa aınalǵan. Assambleıa Otanymyzdaǵy bar­lyq etnostardyń rýhanı tur­ǵyda qaıta jańǵyrýy men damýyn qamtamasyz etýde, demo­kra­tııalyq ustanymdarǵa, memlekettik ulttyq saıasatta barlyq etnostardyń múddesine degen qurmetke negizdelgen ult­aralyq qatynas mádenıetin arttyrýda teńdesi joq qyzmet atqaryp keledi. Instıtýttyń TMD-nyń ózge elderine tıgizgen yqpaly aıtarlyqtaı. Sonyń nátıjesinde qazaqstandyq úlgi boıynsha kór­shiles Reseı men Qyrǵyzstanda halyq assambleıalary quryldy. Sózimniń sońynda men Mem­leket basshysynyń elimizde ult­aralyq tatýlyq pen yntymaqty nyǵaıtý baǵytyndaǵy ustanǵan saıa­saty men osy turǵyda tyndyr­ǵan ulan-ǵaıyr isteri úshin de onyń qolyna senim mandatyn usta­týymyz kerek dep sanaımyn. Ásııam ÚSENOVA, Qazaqstan halqy Assambleıasynyń múshesi, «Qazaqstan uıǵyrlarynyń respýblıkalyq mádenıet ortalyǵy» qoǵamdyq birlestiginiń Oral qalasyndaǵy fılıalynyń jetekshisi. Batys Qazaqstan oblysy.

Der kezinde jasalýymen qundy

Qazaqstan Táýel­sizdik alǵan 1991 jyldan bú­gin­gi kúnge deıin 23 jyl ýaqyt ótip­ti. Osy 23 jyldyń ishinde El­ba­symyz N.Nazarbaevtyń kóregen saıasa­tynyń, bilikti basshy­­lyǵynyń arqasynda ǵasyr kólemin­de at­qa­rylatyn jumystar isteldi. 1991 jyly Tuńǵysh Prezıdent bolyp saılanyp, el tizginin qolǵa alǵanda Nursultan Ábishulyna da ońaı bolǵan joq. Imperııalyq KSRO tarap, ekonomıkalyq baılanystar úzildi. Qazaqstannyń ekonomıkasy tek qana shıkizatqa negizdelgendikten, óndiris oryndary bolmady. Endi ne isteımiz dep halyq daǵdarǵanda Elbasy «Aldymen – ekonomıka, sodan keıin saıasat» atty óziniń tarıhı baǵytyn usynyp, iske kiristi. 1997 jyly halyqqa «Qazaqstan-2030» Strategııasyn joldady. Búgingi kúni osy baǵyttyń durys eken­digin ómirden kórip otyrmyz. Ekonomıkamyz qaryshtap damyp, eldiń jaǵdaıy jaqsardy.  «Qazaqstan-2030» Strategııasy merziminen buryn oryndalyp, damyǵan 50 eldiń qataryna endik. Qazaqstandy búkil álem el­deri, onyń ishinde uly derjavalar Amerıka, Qytaı, Reseı, Eýropa elderi moıyndap, biz­diń Prezıdentimizben sanasyp, kúr­deli saıası máseleler jóni­nen aqyl­dasatyn boldy. Bul Elba­sy­myzdyń ólsheýsiz, jankeshti eńbe­giniń nátıjesi dep uǵýymyz kerek. Nursultan Ábishulynyń eń negizgi jetistigi 130-daı ult pen ulys mekendeıtin Qazaqstanda ty­nyshtyq pen tatýlyqty saq­taýy, qantógiske jol bermeýi der edim. Mine, osyndaı «qoı ústine boz­torǵaı jumyrtqalaǵan» zaman­dy ári qaraı jalǵastyrý úshin, elimiz­diń bolashaǵy jarqyn bolýy úshin biz Nursultan Ábishulyn kezekten tys saılaý ótkizip, qaı­tadan saılap alýymyz kerek, halaıyq! Aldymyzda búkilálemdik eko­nomıkalyq daǵdarys kele jatyr. Prezıdentimiz  bul daǵdarystyń aldyn alyp otyr. Onyń dáleli Elbasynyń «Nurly Jol – bolashaqqa bastar jol» atty Joldaýy boldy. 11 aqpan kúngi Úkimettiń keńeıtilgen otyrysynda sóılegen sózinde Memleket basshysy «Qazaqstanda ekonomıkalyq daǵdarys joq, tek qana syrtqy faktorlardyń áseri bar», dep  atap kórsetti. Sondyqtan árbir qazaqstandyq memlekettiń daǵda­rystyń aldyn alýǵa bólgen qar­jynyń árbir tıynynyń qalaı jumsalyp jatqandyǵyn ba­­­qylaýǵa alý kerek dep oılaımyn. Merzim boıynsha 2016 jyly prezıdenttik jáne parlamenttik saılaýlar qatar kelip tur. Álemdik ekonomıkalyq daǵdarystyń sharyqtaý shegi 2016 jylǵa keledi degen boljam bar. Sondyqtan prezıdenttik saılaýdy 2015 jyly ótkizý jónindegi Qazaqstan halqy Assambleıasynyń usynysyn tolyqtaı qoldaı otyryp, halyqty da qoldaýǵa shaqyramyn. Erjan QUTTYBAEV, Shyǵys Qazaqstan  oblystyq máslıhatynyń depýtaty, aýdandyq Azamattyq alıanstyń jetekshisi. Shyǵys Qazaqstan oblysy, Tarbaǵataı aýdany, Aqsýat aýyly.

Oryndy jasalǵan usynys

Búginde biz aqparat quraldary arqyly álemde bolyp jatqan túrli jaılardan habardarmyz. Álemdi sharpyǵan daǵdarystyń, munaı baǵasynyń quldyraýy men Reseıge salynǵan sanksııalardyń bizdiń elge de tıgizer keri áserin baǵamdaımyz. Bul daǵdarystyń aldyn alý maqsatynda Elbasymyz «Nurly Jol – bolashaqqa bas­tar jol» atty Joldaýyn arnap, alda atqarylýy tıis birqatar mindetterdi aıqyndap berdi. Dese de, daǵdarystyń uzaqqa sozylar túri bar. Soǵan baılanys­ty elimizde merziminen buryn prezıdenttik saılaý ótkizý týraly usynysty Astanada ótken Qazaqstan halqy Assambleıasynyń Keńesi kóterdi. Qarap otyrsaq, barshamyz jahandyq ekonomıka tu­raqsyzdyǵynyń kýásimiz. Álemdik ekonomıka damýynyń 2015-2016 jyldarǵa arnalǵan boljamdary kóńilge demeý bola almaıdy. Metall men munaıǵa álemdik baǵa aıtarlyqtaı quldyraýda. 2016 jyly álemdik qarjy-ekonomıkalyq daǵdarys shyrqaý shegine jetedi degen sarapshylardyń boljamy bar. Negizinen, prezıdenttik saılaý men parlamenttik saılaý 2016 jyly qatar ótýi kerek-ti. Biraq daǵdarys jaǵdaıynda bir jylda eki saılaýdy qatar ótkizý el ekonomıkasyna aýyr tıetini aıtylýda. Eń aldymen, biz el Prezıdentin saılaýdy merziminen buryn ótkizip alsaq, jańa saı­lan­ǵan Prezıdent barlyq nazaryn Qazaqstannyń damýyna, eko­nomıkanyń daǵdarysqa ushyra­maýyna burady dep senemiz. Men aýdandyq máslıhat depýtaty, «Nur Otan» partııa­sy múshesiniń biri retinde álem­degi kúsheıip kele jatqan eko­no­mı­kalyq daǵdarys jaǵdaıynda Qazaqstan Prezıdentin saılaý­dy kezekten tys ótkizý ıdeıa­syn tolyq qoldaımyn. Bul Elbasy bastaǵan «Nurly Jol» men el damýynyń uzaq merzimdi baǵdarlamalaryn iske asyrýdy úzdiksiz jalǵastyrýǵa múmkindik beredi dep sanaımyn. Kerimqul BEGALIEV, «Zylıha» sharýa qojalyǵynyń tóraǵasy, Jýaly aýdandyq máslıhatynyń depýtaty. Jambyl oblysy, Jýaly aýdany.

Jastar senimi nyq

Biz, jastar táýelsiz mem­le­ketimizdiń tuǵyry bıiktep, abyroı-bedeli ósip, halqymyzdyń birligi jarasyp, turmysy jyl­dan-jylǵa jaqsarýyna Elbasy­myz N.Á.Nazarbaevtyń eńbegi ólsheýsiz ekenin bilemiz. Qazirgi kúni álemdegi aýyr ekonomıkalyq ahýalǵa qaramastan súıikti Qazaqstanymyzdyń damýdyń dańǵyl jolynan taıqymaı alǵa umtylýyna barlyq jaǵdaıdyń jasalýyna kózimiz jetip otyr. Qıyndyqtar budan da kúrdelene túsýi múmkin ekeni de jasyryn emes. Osyndaı syndarly sátte yntymaǵymyzdy saqtap, «Nurly Jol – bolashaqqa bastar jol» Joldaýynda qoıylǵan maqsat-mindetterdi jumyldyrý buǵan deıin de talaı aıǵaqtalǵandaı Tuńǵysh Prezıdentimizdiń ǵana qolynan keletindigi anyq. Sondyqtan merziminen buryn saılaýdyń ótýi týraly halyq tilegin tolyq qoldaımyz. Men biraz jyldan beri El­­basy eńbek jolyn bastaǵan alyp kásiporynda jumys istep kelemin. Shyndyǵyn aıtqanda, búginde jaǵdaı jeńil emes, ónim ótkizý qıyndady, tabys kózi tómendedi. Buǵan alańdap, is-qımylymyzdy bosańsytyp jatqanymyz joq. Qalaı bolǵanda da, mundaı mańyzdy óndiris tynysyn taryltpaý – eń aldymen bizge syn. О́ıtkeni, onyń qalyp­ty jumysy el ekonomıkasyna úlken demeý. Osyny túsine bilip, ishki ókpe-renishti shegere turyp, eńbekke belsendilikti báseń­detpeýshi áriptesterime rızalyǵym sheksizdigin aıta ketkim keledi. Bárimizdiń maqsat-múdde­­miz­diń birligin, elimiz keleshegi úshin tutastyǵymyzdy, namys-jigerimizdi, qaırat qaıraýy­myz­dy tanytar sát týyp otyr. Barsha qazaqstandyq zamandas­tyrymnyń Nursultan Ábishuly Nazarbaevtyń memleket basqarýyn qoldaıtyndyǵyna senemin. El ómirindegi jaýapty ótkelde árkimniń azamattyq paryzy solaı bolýǵa tıis dep oılaımyn. Álibek ALPYSBAEV, «Arselor Mıttal Temirtaý» AQ metallýrgııalyq kombınatynyń gornovoıy.  TEMIRTAÝ.

Baıandy bolashaqqa betburys

Qazaqstan halqy Assambleıasy Keńesiniń kótergen bastamasy óte oryndy. Biz, jastar, tolqymaly kezeńde eldiń birligin, memlekettiń birtutastyǵyn saqtaý mańyzdy, ol kóregen kóshbasshy, sarabdal saıasatker Elbasymyz Nursultan Ábishulynyń ǵana qolynan keledi dep sanaımyz. Sondyqtan da prezıdenttik saılaýdy merziminen buryn ótkizý qaı jaǵynan alǵanda da mańyzdy jáne ýaqyt talaby dep bilemiz. Qazirgi kezde jer júzi, álem keńistigi qıyn kezeńderdi bas­tan keshirýde. Ekonomıkalyq daǵdarys, memleket ishindegi saıası daý-janjaldar, dinı, ultaralyq qaqtyǵystar álemniń kóptegen memleketteriniń qabyrǵasyn qaýsatyp, irgesin sókkeni barshamyzǵa málim. Bul turǵydan kelgende, bizdiń Otanymyzdyń tatýlyq pen tynyshtyqtyń, kemel kelisimniń besigi, Azııanyń kindik memleketi ekendigi álemge belgili, barshaǵa aıan, dáleldeýdi qajet etpeıtin aksıoma. Osy oraıda: «San ulttyń basyn biriktirgen, jahannyń toǵyzynshy terrıtorııasy – Qazaqstan táýelsizdik alǵan shırek ǵasyrǵa tolar-tolmas ýaqyt bederinde mundaı jetistikterge qalaı qol jetkizdi?» degen saýaldyń týyndary zańdy. Bul saýalǵa «el tarıhynyń betburys kezeńinde memleket múddesin el bolashaǵyn bárinen joǵary qoıǵan Kóshbasshy faktory men judyryqtaı jumylǵan elimizdiń birliginiń nátıjesi» dep jaýap bersek, oryndy dep oılaımyn. Búgingi tańda Qazaqstan jasta­rynyń jan-jaqty damýyna barlyq jaǵdaı jasalǵan. Bilim­ge qushtar jastyń memleket esebi­nen joǵary bilim alyp, óz bilimi­n magıstratýra men doktoran­týrada shyńdaýyna, ónerli azamattyń shy­ǵarmashylyqpen, sportshy jas­tardyń sportpen aınalysýyna ne qajettiń bári bar. Munan ózge, ústi­mizdegi jyly qabyldanǵan «Mem­lekettik jastar saıasaty týraly» Zań jastardyń túrli jeńildikter men áleýmettik kómek, baspana alýyna da septigin tıgizedi. «Baq baǵalaǵannyń basyna qonady» deıdi dana halqymyz. Qolda barymyzdy qadirlep, baqty baǵalaı bilsek, el tarıhynyń jaýapty kezeńinde tizginimizdi memleketimizdi talaı syndardan súrindirmeı ótkizgen Elbasy Nursultan Nazarbaevqa senip tapsyrsaq, bolashaǵymyzdyń baıandy, keleshegimizdiń kemel bolaryna senimdimin. Aıbol ARǴYNǴAZINOV, L.N.Gýmılev atyndaǵy EUÝ stýdenttik ǵylymı qoǵamynyń tóraǵasy, «Jyl stýdenti-2014» respýblıkalyq baıqaýynyń jeńimpazy. ASTANA.

Tarıhı salmaǵy basym bastama

– Qazaqstan halqy Assam­­bleıasynyń músheleri kezekten tys Prezıdenttik saılaý ótkizý jóninde bastama kóterdi. Elimizdiń saıası ómirinde mán-mańyzy joǵary jańalyqty otandyq telearnalarymyzdan estidim. Atalǵan usynystyń Assambleıa ınstıtýty ókil­deriniń tarapynan joldanýy quptarlyq jaıt. О́ıtkeni, Elbasy Nursultan Nazarbaev – elimizdegi barsha ult pen ulystyń qamqorshysy, ákesi ispetti. Ol óziniń barlyq baǵdarlamasynda Qazaqstan halqynyń quqyǵyn teń dárejede qorǵaýǵa aıryqsha mán beretini málim. Bıyl elimizde Qazaqstan halqy Assambleıasynyń jyly jarııalandy. Osy oraıda qoǵamdyq kelisim men turaqtylyqtyń bastaýynda turǵan Assambleıa ınstıtýtynyń 20 jyldyq mereıtoıymen birge elimizdegi eń joǵary saıası oqıǵanyń ótýi de úılesimdi dúnıe dep oılaımyn. Bul – bizdiń qazaqstandyq qoǵamnyń bir jaǵadan bas, bir jeńnen qol shyǵaryp, tonnyń ishki baýyndaı bolǵan tatýlyǵynyń rııasyz kórinisi ispetti. Elbasy – elimizdegi jetekshi tulǵa. Memleket basshysynyń barlyq bastamasy únemi ózara kelisim, birlik jáne tatýlyq qaǵıdattarymen órilip otyratyny tegin bolmasa kerek. Prezıdentimizdiń parasatty, suńǵyla saıasatynyń arqasynda ishki tynyshtyǵymyz ben ekonomıkalyq turaq­ty­lyǵymyzdy saqtap, bereke-birlikte ómir súrýimiz úshin kezekten tys saılaýdyń tarıhı mańyzy erekshe. Elimizdegi iri kásip­oryn­dardyń biri sanalatyn «Kazsınk» JShS ujymy Prezıdenttiń saıasatyna ár kez joǵary deńgeıde qoldaý kórsetip keledi. Biz ár­daıym Elbasy júktegen úlken mindetterdiń údesinen shyǵýǵa tyrysamyz. Sondyqtan merziminen buryn prezıdenttik saılaý ótkizý elimizdiń ári qaraı damýyna tyń serpilis beredi degen oıdamyn. Iýrıı GÝSEV, «Kazsınk» JShS bas dırektory. О́SKEMEN.

Uzaq merzimdi baǵdarlamalar – keleshektiń kepili

Qazaqstan halqy Assam­bleıasynyń merziminen buryn prezıdenttik saılaý ótkizý bastamasyn «Saryaǵash» kýrortynyń 400-ge jýyq qyzmetkeri bir­aýyzdan quptaıdy. Ol týraly arnaıy jıynda da aıtyldy. Biz shekaralyq óńirde turamyz. Mańaıymyzdaǵy kór­shilerimizdiń jaǵdaıy bes saý­saqtaı belgili. Kórshilerimiz osydan onshaqty jyl buryn-aq: «Sizderdiń Prezıdentten jol­daryńyz bolǵan. Nursultan Nazarbaev Qazaqstan memleke­tin kóterdi. Dúnıejúzi elderińizdi biledi, sanasady. Kóptegen memleketter «erteńgi kúnimiz qandaı bolady?» dep oılanyp júrgende Astanadaı alyp, ádemi qalany salyp aldyńyzdar. Áleýmettik járdem jaqsy, sizderdiń zeınetkerlerińiz alǵan zeınetaqyny bizde jigitter syrt memleketterge baryp, jumys jasap zorǵa ákelip júr. Baqyt­tysyzdar ǵoı», degen. Mundaı áńgimeni kóp estip júrmiz. Qudaıǵa shúkir, Qazaqstannyń jerge qaraıtyndaı jaǵdaıy joq. Álemdik daǵdarys myqty degen memleketterdiń ózin qaqpaqylǵa salyp jatqanda bizdiń Ota­ny­myz­ onshalyqty sezine qoı­ǵan joq. Indýstrııalandyrý baǵ­dar­­lamasynan bólek aýyl sha­rýa­­­shy­lyǵyna qyrýar qarjy salyndy. Sharýalar men dıqandar Úkimetten jasaǵan jumysyna oraı sýbsıdııa alyp, aıaǵynan nyq turyp aldy. Qora sal, shyńyraýdan qudyq qaz, memleket shyǵarǵan shyǵynyńnyń jartysyn óz qaltasynan ótep beredi. Qazir Ońtústik Qazaqstan oblysy ákimdigi on, on bes saýyn sıyr, bordaqyǵa iri qara baılaǵan orta sharýaǵa sýbsıdııa, jeńil nesıe alyp berip jatyr. Orta sharýa halyqtyń jartysynan kóbin quraıtynyn eskersek, eldiń erteńin oılaǵan Elbasynyń kóregendiligi osyndaı iri isterden aıqyn kórinedi. «Qazaqstan-2050» Strate­gııa­sy, ÚMIID baǵdar­lamasy, «Nurly Jol – bolashaqqa bas­tar jol»  Joldaýy syndy mem­lekettiń aldaǵy ómirin, kele­shegin aıqyndaıtyn uzaq merzimdi baǵdarlamalardy aıaǵyna deıin oryndaýǵa Memleket basshysy Nursultan Nazarbaevtyń bas­shylyǵy kerek. О́ıtkeni, bul baǵ­darlamalar Elbasynyń tikeleı bastamasymen dúnıege keldi. Bizdiń memlekettiń maqsaty úlken, keleshegi kemel, sol jaqsy kúnderdi jaqyndatatyn, daǵdarys tolqyndaryna soq­tyr­maıtyn uzaq merzimdi stra­te­gııalyq baǵdarlamalary bar. Qazaqstan halqy Assam­bleıa­sy otandastarymyzdyń ortaq pikirin bilip, osyndaı bastama kóterdi dep bilemiz. Nursultan Ábishulyn merzimnen buryn saılap alyp, memlekettik máselelerdi ýaqtyly sheshýine múmkindik berýimiz kerek. Baǵlan BATYRShAEV, «Saryaǵash EOK» JShS bas dırektory, oblystyq máslıhattyń depýtaty. ShYMKENT.

 Ýaqyt talaby osy

Qazaqstan halqy Assam­bleıa­synyń prezıdenttik saılaýdy merziminen buryn ótkizý týraly úndeýin teledıdardan kórip, tyńdadyq, keıin baspasózden oqydyq. Meniń oıymsha barsha qazaqstandyqtardyń birligin bekemdep otyrǵan Assambleıa Keńesi músheleriniń bul bastamasy baıandylyǵymen qundy deý oryndy. Ata Zańymyzǵa sáıkes, 2016 jyly prezıdenttik jáne parlamenttik saılaýlar qatar ótkizilýi tıis. Qazirgideı álemdik oqıǵalardyń shapshań damýy jaǵdaıynda bir jylda eki birdeı saılaý ótkizýdiń ózindik aýyrtpashylyqtary bolatynyn bylaı qoıǵanda, bulaı qosarlap saılaý ótkizý osy Konstıtýsııa qaǵıdattarymen de qıyspaıdy eken. Sondyqtan prezıdenttik saılaýdy merziminen buryn ótkizýdiń reti kelip-aq tur. Qazaqstan halqy Assam­bleıa­synyń bul bastamasyn men de qoldaımyn, barsha qazaq­stan­dyqtar da solaı etetinine senimim mol. Qazir yrǵalyp-jyrǵalatyn kez emes, tez sheshim qabyldap, eldiktiń erteńin aıqyndaıtyn qadamdar jasaý qajet. Álemdik eko­nomıkalyq daǵdarys pen kúr­deli saıası jaǵdaı eki búıirden qysyp turǵan kúrdeli kezeń osylaı qımyldaýǵa ıtermeleıdi. Qazaq­s­tannyń kópultty halqy Elbasymyz Nursultan Nazarbaevtyń sarabdal saıasatynyń arqasynda birligi men yntymaqtastyǵyn pash etti, sonymen qatar, Qazaqstan ishki jáne syrtqy saıasatta júrgiziletin baǵyttardy qoldaı otyryp, ekonomıkasy jetik damyǵan 50 eldiń qataryna áldeqaıda erte enip úlgerdi. Alaıda, ýaqyt alǵa jańa syn-qaterlerdi tartýda, sony mindetterdi belgileýde. Eń bas­tysy, «Nurly Jol – bolashaqqa bastar jol» atty baǵdarlamasyn jáne «Qazaqstan-2050» Stra­tegııa­syn júzege asyrýda da Elbasy basym baǵyttardy aıqyndap qana qoımaı, olardy júzege asyrýdyń joldaryn naqtylap berdi. Prezıdenttik saılaýdy 2015 jyly merziminen buryn ótkizý arqyly biz Elbasyna óziniń uzaq merzimdi sarabdal saıasatyn tolyq júzege asyrýǵa múmkindik beremiz. Ras, ótken kezeńde el ekonomıkasynda aıtarlyqtaı ilgerileý boldy, ındýstrııalyq-ınnovasııalyq iri jobalar júzege asyrylyp, aýyldyń ajary kirdi. Munyń Prezıdenttiń sarabdal saıasatynyń arqasynda múmkin bolǵanyn qazaqstandyqtar biledi jáne tereń túsinedi. Sondyqtan da daǵdarysty da damý tetigine aınaldyrýǵa baǵyt ustaǵan Pre­zıdentten halyq kóp úmit kútedi. «Álemde turaqsyzdyq oryn alǵan jańa ári kúrdeli kezeńde elimiz strategııalyq baǵytynan aınymaı, Qazaqstandy jańǵyrtý jáne dúnıejúziniń ozyq 30 eliniń qataryna enýi úshin Elbasy N.Á.Nazarbaevqa senim bildirý qajet. Sonymen qatar, Elbasyna senim mandatyn bildirý arqyly álemdik damýdyń jańa kezeńinde halqymyzdy biriktirip, memleketti damytýdaǵy mańyzdy máselelerge den qoıýǵa múmkindik alamyz», delingen úndeýde. Biz de solaı oılaımyz, sondyqtan da bul bastamany qyzý qoldaımyz. Tilepjan IBRAGIMOV, «Qazaqstannyń 30 jyldyǵy» JShS dırektory, oblystyq máslıhattyń depýtaty. Aqtóbe oblysy, Qobda aýdany.